ENSAIO INSTRUMENTAL

    Empezamos os primeiros ensaios dos instrumentos creados para a nosa gran de instalación artística de arte sonora. Fumos probando e "afinandoos" e non sonaba nada mal.

INSTALACIÓN SONORA

    Velaí novas imaxes sobre a instalación artística sonora creada polo alumnado de Educación Infantil do colexio de Hío nos obradoiros de NaturalMENTE Arte 2012-2013.

INSTALACIÓN SONORA

    Por fin xa se poideron xuntar os tres paneis de arte sonora de cada curso de Educación Infantil: percusión pola parte de 3 anos, corda por catro anos e vento polos de cinco anos.

    A instalación é unha estrutura con forma de triángulo equilátero que poden percorrer os alumnos/as para ir probando os instrumentos e crear concertos improvisados, dando deste xeito vida á nosa instalación artística sonora.

VISITA DE XABIER BLANCO

    Para concluir o obradoiro de arte sonora tivemos o día da derradeira sesión o luxo da actuación do músico de Moaña Xabier Blanco e os seus instrumentos enxebres feitos con obxectos da labranza onde interpretou moi boas cancións da cultura popular galega.

MONTAXE DO PANEL DE VENTO

    A derradeira sesión destinóuse a terminar todas as bucinas posíbels e suxeitalas con corda ao panel destinado para o grupo de cinco anos.

    Coma as membranas de papel celofán que, o vibrar producen o son, eran fráxiles de máis, sustituímos nesta sesión por outras feitas con globos.

 

 

 

FABRICANDO VUVUZELAS

    Na segunda sesión, empezamos a fabricar unha especie de vuvuzelas de sopro lateral ou bucinas, inspiradas en deseños de Internet. Traballamos por parellas e fumos ensaiando diferentes materiais e lonxitudes para os tubos.

    Rematamos probando a sonoridade dos instrumentos.

 

 

 

 

 

 

SESIÓN 1 5 ANOS 2013

    Iniciamos o obradoiro con cinco anos do mesmo xeito que os outros: cun visionado inagural de PowerPoint, con visitas a Internet de vídeos e páxinas.

    Finalizado éste, subimos ao taller para mostrar os fundamentos dos instrumentos de vento. 

    Fixemos seguidamente deseños de instrumentos de vento inventados.

    Rematamos cortando canas hindúes para probar o asubio que producen e ter, deste xeito, o primeiro instrumento musical do noso obradoiro. Tivemos a visita de Suso que nos axudou a cortar as canas e que, por outra banda, proporcionou moita información de Internet para crear o perfil conceptual do inicio do taller.