FOTO DE GRUPO 1º E.P. 2013

    Despois de moito mirar cantas posibilidades podíamos ter de colocar os gravados no mural, decidimos unha que nos pareceu que facía resaltar todo o conxunto.

MURAL DE GRAVADOS

    O resultado final do noso obradoiro foi a creación dun mural na parte cuberta do patio de recreo formado por tódalas estampacións dos tres tipos de gravados que desenvolvimos: planogravado, gravado en relevo e ocogravado. Fumos escollendo entre todos/as a maneira máis xeitosa posible de conformar o mural coas pezas tamaño ladrillo.

 

GRAVADO EN RELEVO 2

    A estampación dos gravados de palabras requiriu poñelas do revés para que,  ao pasalas polo tórculo, quedaran no papel do dereito.

GRAVADO EN RELEVO 1

    Aprendimos outra maneira de estampar chamada gravado en relevo, na que se aplica a tinta nos anacos da matriz que quedan en alto. O noso proceder foi recortar e pegar letras en gomaeva sobre cartón de paspartú que formaran palabras referentes á labor creativa de Roberto Vidal Bolaño, o escritor ao que se lle adica o Día das Letras Galegas no ano 2013.

 

 

OCOGRAVADO 2

    Como a técnica de ocogravado leva máis tempo de elaboración do debuxo na matriz, dedicamos a sesión catro a isto e a cinco á estampación co tórculo. Nesta escollimos cores tales coma siena, verde ou negro.

OCOGRAVADO 1

    Nas sesións catro e cinco aprendimos a estampar mediante ocogravado. A técnica consiste en facer incisións cunha punta metálica na matriz (o acetato que estivemos empregando) formando debuxos; para pasar a pintura ao papel tiñamos que procurar que o óleo penetrara ben nas liñas raiadas e limpar posteriormente a superficie.

MONOTIPIA 2

    Na terceira sesión do obradoiro continuamos os monotipos. As matrices, os debuxos orixinais fixéronse sobre acetato con pintura ó óleo e estampados coa axuda do tórculo en cartolinas brancas do tamaño dun ladrillo. 

    As imaxes resultantes foron paisaxes, flores, estrelas, etc. e abstracións.

MONOTIPIA 1

    A primeira técnica de estampación en gravado foi a monotipia que é un tipo  de gravado en plano, o planogravado, é dicir, onde se aplica a pintura sobre unha superficie plana que despois quedará estampada no papel e que se ten que repetir se queremos máis exemplares (por iso o nome de mono...).

 

SESIÓN 1

    Na primeira sesión coñecimos pola presentación en PowerPoint o eido do gravado da man de artistas de antes e de agora. Do mesmo xeito aprendimos qué era un tórculo, diferentes técnicas de gravado e máis os usos industriais que se ten.