FOTO DE GRUPO 2º E.P.

    Velaquí a fotografía de grupo na que estamos co noso libro. Esperamos que vos guste a súa lectura.

O LIBRO DE HÍO

    Cando quedaron pegadas unhas follas con outras do noso libro xa estaba listo para contar a historia da mascota de 2º de Primaria, Hío. É unha mascota que nos mantén unidos/as.

    Como non podía ser outra, o libro xigante está na biblioteca do colexio para  seren consultado por quen quera.

    A idea de libro circular foi do titor do curso, Jorge Fernández Mariño, que nos envía aquí un enlace co blog onde se publican eventos do grupo.

                      http://probablogue.blogspot.com.es/2013/04/blog-post_12.html

SESIÓN 6 FINAL

    Aínda quedou tempo na derradeira sesión de ver algún vídeo en Internet sobre o artista máis senlleiro da arte matérica neste país, o catalán Antoni Tàpies.

SESIÓN 6

    Rematamos a creación de páxinas xigantes do libro escribindo con rotulador prateado os textos que explican cada debuxo.

    Falta só que o profesor de arte una unha con outra con cola branca e preparar para a exposición.

    

 

SESIÓN 5

    Nesta sesión rematamos a aplicación de zonas das figuras con pintura espesada con areas e iniciamos a aplicación de espazos con pinturas dorada e prateada así como de purpurinas.

 

 

 

SESIÓN 4

    Á volta das vacacións de Semana Santa, continuamos co noso traballo de creación do libro xigante. Como o obradoiro vai de arte matérica, hoxe empezamos a aplicar texturas en partes dos debuxos elaborados con témpera de cores na que engadimos areas ou terras (tipo carbonato cálcico), como espesante, e máis cola branca, como aglutinante. Aplicamos con espátulas e conseguimos grandes logros.

 

 

 

SESIÓN 3

    Iniciamos o proceso de pintado de fondos con témpera, escollendo prácticamente todos/as a cor negra por seren as imaxes de noite.

SESIÓN 2

    Na segunda sesión do obradoiro empezamos a desenvolver en profundidade as ideas de cada páxina reflectidas en bosquexos que pasamos a color con rotuladores.

    Unha vez feitos, subimos ao taller para acometer os debuxos en grande sobre cada cartón que servirá de páxina do libro.

 

 

SESIÓN 1

    Na primeira sesión deu tempo de distribuir na aula grupos de traballo para cada páxina do libro xigante que queremos facer coa historia da mascota do curso, como fío argumental, e a arte matérica como ferramenta plástica. Iniciamos,así mesmo, os bosquexos a desenvolver.

SESIÓN 1

    Na sesión inagural do obradoiro iniciamos como es común cunha presentación en PowerPoint e unha consulta en Internet sobre un artista relacionado cos contidos do taller, Kurt Schwitters.