EXPOSICIÓN DO OBRADOIRO DE ESCULTURA

    Velaí unha fotomontaxe sobre o conxunto da exposición rematada.

EXPOSICIÓN DO OBRADOIRO DE ESCULTURA

    Á montaxe da exposición engadiron os alumnos/as as biografías que escribiran sobre avoas e bisavoas das que escolleron os nomes para escribiren nos baixorrelevos.

MONTAXE DA EXPOSICIÓN

    Escollimos unha mesa xunto á aula para expoñer o resultado do obradoiro de escultura, colocando os baixorrelevos en arxila dos nomes de mulleres escollidas do contorno do alumnado e máis as tallas en porexpán con formas de figuras humanas femininas.

SESIÓN 7

        Finalizamos a talla de figuras humanas femininas, baseadas no cánon de Lisipo de oito cabezas equivalentes á altura do corpo, coas serras e máis limas.

 

 

SESIÓN 6

    Intentamos novamente traballar a talla en pórex con cortador térmico, esta vez con pilas alcalinas, pero o estado dos fíos e a carencia xa destes de reposto fixo que tivéramos que continuar con serras pequenas. 

    Fumos alternando o debuxo en cada cara do prisma de porexpán, segundo o cánon de oito cabezas, co traballo de talla.

 

 

CREANDO FIGURAS HUMANAS

    Na segunda sesión de traballo de talla de figuras femeninas en pórex acabamos rompendo todos os fíos, esgotando os de reposto, e as serras de corte acabaron por ir lentas de máis. A pesares das probas feitas con anterioridade, non resultó o traballo dun xeito satisfatorio, obrigando ao replantexamento do obradoiro.

CREANDO FIGURAS HUMANAS

    Empezamos a segunda actividade do obradoiro que consiste na creación de figuras humanas femeninas, mediante talla en poliexpán.
    O primeiro paso é tomar medidas no corcho branco tendo en conta o cánon do escultor grego Lisipo que dín que a altura dunha figura adulta debe medir oito cabezas.
    Deunos tempo, así mesmo, de facer os cortes iniciais no bloque cos arcos de fío quente para pórex.

               

BAIXORRELEVOS DE NOMES DE MULLERES

    Na segunda sesión do obradoiro iniciamos a creación de baixorrelevos en arxila onde representar os nomes de mulleres do noso contorno; moitos deles son de avoas. Tomamos a palma da man como medida dos lados da base de arxila.

 

TOMANDO MEDIDAS

    Na sesión inagural aproveitamos o último anaco de tempo para comprobar medidas nos nosos corpos e observaren si os cánones de artistas como Lisipo, Vitruvio, Leonardo ou Durero funcionan na realidade; e sí funcionaron!

 

 

SESIÓN 1

        O obradoiro de 3º de Primaria deste curso ten que ver coa escultura, a muller e os cánones de medida artísticos na figura humana ao longo da historia.

    Na sesión inagural visionamos unha presentación en powerpoint na que vimos como os gustos estéticos varían dende a prehistoria pasando por tódalas culturas.
    Tamén aprendimos a diferenza entre escultura de bulto redondo e baixorrelevo, os cánones de medida exipcios, gregos e do Renacemento con Leonardo e Durero, observando toda clase de materiais para escultura, sobre todo no século XX e actual.