A primeira técnica de gravado que empezamos a probar foi a de planogravado. Empregamos follas de acetato tamaño DIN A3 para crearen matrices nas que debuxar posturas de figuras humanas.
Seguidamente, pintamos con óleo ocre, siena, branco e negro as siluetas e fondos.
Neste procedemento cada debuxo estropeábase ao faceren a copia en papel no tórculo, aprendendo deste xeito o concepto de monotipia e tendo, polo tanto, que volver debuxar co rotulador novas posturas para obter novos exemplares.
